David Raya, markvörður Arsenal, var gestur í hlaðvarpsþætti David Seaman á dögunum en sá síðarnefndi var frábær í marki liðsins í langan tíma.

Raya var upphaflega í láni hjá Arsenal frá Brentford og átti svokallaðan haus kúpuleik gegn Luton á síðasta tímabili sem fékk Spánverjann til að hugsa.

Raya telur að sá leikur hafi gert mikið fyrir sig en hann hefur aðeins verið á uppleið síðan þá að eigin sögn.

,,Við þurfum að fara aftur til síðasta árs, þar var ég að komast inn í hlutina,“ sagði Raya við Seaman.

,,Við sáum einn David fyrir Luton leikinn og annan David eftir Luton leikinn. Þetta var lágpunkturinn á mínum ferli.“

,,Þetta var versti leikur sem ég hef spilað á ferlinum. Ég hugsaði bara með mér ‘ég þarf að fokking breyta þessu.’ Ég afsaka orðbragðið.“

,,Ég þurfti að breyta mínum leik og frammistöðunni því ég var ekki að spila eins og ég sjálfur. Eftir þetta þá held ég að við höfum séð betri David bæði innan sem utan vallar.“