Kristín Dís Árnadóttir hefur framlengt samning sinn við Breiðablik og því ljóst að hún verður áfram með liðinu næsta sumar.
Kristín sneri aftur til Blika um mitt sumar í fyrra frá danska stórliðinu Bröndby. Hjálpaði hún liðinu að hampa Íslandsmeistaratitlinum eftir hreinan úrslitaleik við val síðasta haust.
Tilkynning Breiðabliks
Kristín Dís framlengir við Breiðablik
Kristín Dís Árnadóttir hefur skrifað undir nýjan samning við Íslandsmeistara Breiðabliks. Kristín Dís, sem er 25 ára gömul, er uppalin hjá Breiðabliki, en hún kom aftur í Kópavoginn í fyrra, eftir þriggja ára dvöl hjá Bröndby í Danmörku.
Kristín hefur spilað 93 leiki í efstu deild fyrir Breiðablik og var hún hluti af Íslandsmeistaraliði Breiðabliks á síðustu leiktíð. Alls hefur Kristín orðið þrisvar sinnum Íslandsmeistari og þrisvar sinnum bikarmeistari með Breiðabliki.
Við óskum Kristínu Dís til hamingju með samninginn.
View this post on Instagram
