Allt stefndi í útisigur Liverpool gegn erkifjendunum í Everton á Guttagarði í kvöld en James Tarkowski jafnaði fyrir heimamenn þegar langt var komið fram í uppbótartíma.
Everton komst yfir í upphafi leiks þegar framherjinn Beto skaut heimamönnum yfir í Guttagarði.
Alexis Mac Allister svaraði fyrir gestina skömmu síðar og jafnaði en Mohamed Salah lagði markið upp. Staðan 1-1 í hálfleik.
Liverpool virtist vera að taka yfirhöndina í leiknum þegar Salah skoraði gott mark á 73 mínútu og kom Liverpool í 1-2 forystu.
Það var svo á 98. mínútu sem James Tarkowski skoraði og jafnaði leikinn með mögnuðu marki.
Liverpool er komið með sjö stiga forskot á Arsenal toppnum í ensku deildinni en liðin hafa nú leikið jafn marga leiki.
