Ryan Giggs, goðsögn Manchester United, hefur sent skilaboð á leikmann liðsins Marcus Rashford sem er ansi umdeildur í dag.

Rashford hefur yfirgefið United tímabundið og skrifað undir lánssamning við Aston Villa sem gildir út þetta tímabil.

Giggs þekkir Rashford vel og þjálfaði hann hjá United á sínum tíma en hann telur að Englendingurinn sé ekki ánægður í eigin lífi þessa dagana.

,,United þarf á ungum leikmönnum að halda, leikmönnum sem eru að koma inn í aðalliðið. Ég taldi að hann væri næsta stórstjarnan. Hann hefur átt fínan feril en hefur ekki náð þeim hæðum sem ég bjóst við,“ sagði Giggs.

,,Hann er manneskja eftir allt saman og hann virðist ekki vera ánægður. Það var eins og hann þyrfti að taka alla ábyrgð sjálfur. Ég veit ekki af hverju því strákurinn sem ég þjálfaði var ekki með sama hugarfar.“

,,Hann spilaði með frelsi og elskaði félagið. Hann var frábær strákur en hann lítur ekki út fyrir að vera á sama stað í dag, vonandi getur hann fundið þann Rashford sem við sáum fyrir 10 árum síðan.“