Aron Jóhannsson, leikmaður Vals, var gestur í nýjasta þætti Íþróttavikunnar á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.

Umræða um enska boltann var á sínum stað í þættinum. Þegar talið bars að liði Arons, Manchester United, var hann hins vegar ekki allt of spenntur fyrir að ræða það.

„Næsta spurning,“ sagði hann og hló.

United er að eiga skelfilegt tímabil og er í 13. sæti ensku úrvalsdeildarinnar sem nú er hálfnuð. Ruben Amorim tók við af Erik ten Hag síðla hausts en ekki tekist að snúa genginu við.

„Þetta er náttúrulega bara skelfilegt. Það er hrikalegt að fylgjast með þessu. Það eru svo margir leikir sem United er með í teskeið en þeir geta ekki sent inn í á Hojlund og Zirkzee. Þeir stjórna bara leiknum en svo fær hitt liðið aukaspyrnu á sínum vallarhelmingi, einn langar fram og þá er kannski Lewis Dunk með skallabolta og Mitoma mættur á fjær,“ sagði Aron.

Umræðan í heild er í spilaranum.