Iker Casillas hefur brugðist við á samfélagsmiðlum í kjölfar þess að fyrrum klámstjarnan og nú OnlyFans-stjarnan Claudia Bavel skaut á hann.

Casillas er í dag 43 ára gamall en hann er einn besti leikmaður í sögu Spánar. Lék hann á sínum tíma yfir 700 leiki fyrir Real Madrid og 167 leiki fyrir spænska landsliðið. Vann hann EM með landsliðin 2008 og 2012 og HM 2010.

Á dögunum var því haldið fram að Bavel og Casillas ættu í sambandi og gagnrýndi hún þá fyrrum knattspyrnumanninn fyrir frammistöðuna í rúminu.

„Samband mitt með Iker Casillas var fyrst vinátta. Við fórum svo að hittast og var samband okkar opið til að byrja með, áður en við lokuðum því,“ sagði Bavel.

„Mér líður eins og ég sé út undan. Iker veit hvað er á bak við þessar myndir. Ef þú spyrð mig hvernig hann var í rúminu segi ég að hann hafi verið betri fótboltamaður.“

Casillas hefur nú svarað fyrir sig með yfirlýsingu á samfélagsmiðlum.

„Ég hef verið í kringum atvinnumennsku í knattspyrnu síðan ég var 14 ára, hef átt feril sem hefur veitt mér svo mikla ánægju og það sem mér þykir hvað mest vænt um er ástin og stuðningurinn sem ég hef fengið frá almenningi,“ segir Casillas í upphafi færslunnar.

„Þetta hefur þó líka búið til áhuga á einkalífi mínu sem ég hef alltaf reynt að halda fyrir mig. Ég hef samt aldrei látið undan þeirri pressu að opinbera eitthvað um einkalíf mitt. Ég hef beðið um virðingu og að mér sé haldið frá slúðri og orðrómum.

Það er erfitt að sætta sig við að einhverjir fari og tjái sig um mig eða mitt umhverfi. Fólk sem veit ekkert um mig finnst það geta tjáð sig um mitt líf. Þetta er ekki allt þess virði, bara til þess að fá athygli, það er ekki þess virði að gera þetta fyrir peningana eða frægð. Þetta kemur niður á mér, einhverjum sem er bara þekktur fyrir vinnu sína.“