Lyngby hafnaði í kvöld tilboði frá norska stórliðinu Brann í Sævar Atla Magnússon. Dandski miðillinn Bold segir frá.

Freyr Alexandersson er þjálfari Brann og vildi hann fá Sævar til sín, rétt eins og hann gerði sem þjálfari Lyngby fyrir þremur og hálfu ári síðan. Lyngby hafnaði hins vegar tilboðinu.

Nicas Kjeldsen, yfirmaður knattspyrnumála hjá Lyngby, staðfestir að tilboð hafi borist í Sævar. Segir hann því hafa verið hafnað og að Sævar sé gríðalega mikilvægur partur af liðinu.

Samningur Sævars við Lyngby rennur út í sumar og getur hann farið frítt þá. Kjeldsen segist enn vonast til þes að hann framlengi.

Þess má geta að fyrr í dag sagði knattspyrnuskrípentinn Orri Rafn Sigurðarson að það kæmi ekki til greina fyrir Lyngby að selja Sævar í þessum glugga nema fyrir mjög háa upphæð. Viborg fylgist einnig með leikmanninum.

Þriðja árið í röð er Lyngby á leið í hörkufallbaráttu í dönsku úrvalsdeildinni og er útlit fyrir að Sævar verði með þeim þar.

En það að Brann fari í að gera tilboð núna gæti þýtt að þeir viti af því að Viborg sé með augastað á Sævari Atla einnig.

— Orri Rafn Sigurdarson (@OrriRafn) February 3, 2025