Rafael Benitez er að snúa aftur í boltann samkvæmt nýjustu fregnum en hann hefur undanfarna mánuði verið atvinnulaus.
Benitez er nafn sem flestir kannast við en hann hefur þjálfað lið eins og Liverpool, Inter Milan, Chelsea og Real Madrid á ferlinum.
Benitez var við stjórnvölin hjá Celta Vigo frá 2023 til 2024 en er nú í fyrsta sinn á leið til Brasilíu.
Spánverjinn hefur aldrei þjálfað utan Evrópu fyrir utan eitt skipti er hann stoppaði í tvö ár hjá Dalian í Kína.
Botafogo er sagt vera komið langt í viðræðum við Benitez en um er að ræða lið sem leikur í efstu deild í Brasilíu.
