Cedric Soares, fyrrum leikmaður Arsenal, er að skrifa undir stuttan samning við Sao Paulo í Brasilíu.
Cedric, sem er 33 ára gamall, eyddi hátt í fimm árum hjá Arsenal en yfirgaf félagið þegar samningur hans rann út eftir síðustu leiktíð. Hann var þó í raun aldrei í stóru hlutverki á Emirates-leikvangingum.
Nú skrifar hann undir hjá Sao Paulo til þriggja mánaða. Félagið mun svo sjá hvernig portúgalski bakvörðurinn stendur sig, hvernig honum tekst að finna sitt gamla leikform og þess háttar. Gangi allt vel gæti hann fengið samning út árið.
Sao Paulo er stórt félag í Brasilíu, en liðið hafnaði í sjötta sæti efstu deildar í fyrra.
