Carlo Ancelotti, stjóri Real Madrid, hefur enga trú á því að Vinicius Junior fari til Sádi-Arabíu í sumar.
Brasilíumaðurinn hefur verið orðaður við Sádí, en talið er að stóru liðin þar í landi séu klár í að gera hann að dýrasta knattspyrnumani sögunnar.
„Ég get sagt ykkur það að Vinicius vill vera hjá Real Madrid og vinna titla,“ segir Ancelotti hins vegar.
„Ég get skilið allar ákvarðanir í fótbolta en Vinicius vill vera hér og velja árangur inni á knattspyrnuvellinum.“
Sádar hafa verið duglegir að sækja stjörnur undanfarin ár og vilja taka næsta skref með því að fá nafn eins og Vinicius í deildina á besta aldri.
