Ítalska félagið Roma hefur spurst fyrir um Casemiro, miðjumann Manchester United, samkvæmt Sky Sports.
Casemiro gekk í raðir United frá Real Madrid 2022 á 70 milljónir punda og byrjaði vel. Hann hefur hins vegar lítið getað undanfarin ár.
Brasilíski miðjumaðurinn er aftarlega í goggunarröðinni hjá Ruben Amorim á Old Trafford og er orðaður við brottför. Hefur Sádi-Arabía verði nefnd í samhengi við framtíð Casemiro, sem og Tyrkland.
Roma hefur hins vegar áhuga en þar hefur sennilega mikið að segja hvort Leandro Paredes, sem er orðaður frá Roma, fari eða ekki.
Casemiro er samningsbundinn United út næstu leiktíð og þénar ansi vel í Manchester.
