Íslenski landsliðsmaðurinn Mikael Egill Ellertssson er á leið til Genoa frá Venezia. Gianluca Di Marzio greinir frá þessu.

Þar kemur einnig fram að Mikael Egill verði áfram á láni hjá Venezia, sem er í harðri fallbaráttu í Serie A, út þessa leiktíð. Kaupverðið er 3,5 milljónir evra og fer Mikael Egill í læknisskoðun á morgun.

Mikael Egill, sem er 22 ára gamall og á að baki 19 A-landsleiki fyrir Íslands hönd, hefur verið á Ítalíu allan atvinnumannaferilinn og var áður hjá SPAL og Spezia.

Á þessari leiktíð hefur hann verið í stóru hlutverki. Er hann kominn með tvö mörk og eina stoðsendingu í 21 leik í Serie A.

Di Marzio greinir einnig frá því að Genoa, sem situr í 12. sæti Serie A, sé að sækja Jean Onana frá Besiktas, samhliða því að félagið krækir í Mikael Egil.

#Calciomercato | #Genoa, doppio colpo: presi Jean #Onana dal #Besiktas e Mikael Egill #Ellertsson dal #Venezia che rimarrà in prestito fino a fine anno nella squadra di Di Francescohttps://t.co/4az8SDbGFa

— Gianluca Di Marzio (@DiMarzio) January 28, 2025