Arsenal notar rauða spjald Bruno Fernandes í leik Manchester United gegn Tottenham fyrr á leiktíðinni máli sínu til stuðnings í áfrýjun á rauða spjaldinu sem Myles Lewis-Skelly fékk gegn Wolves um helgina.
Michael Oliver gaf Lewis-Skelly beint rautt spjald fyrir brot á Matt Doherty, en dómurinn hefur verið harðlega gagnrýndur og flestir á því að hann sé hneisa.
Arsenal ætlar að áfrýja spjaldinu og hefur til klukkan 13 í dag til að skila inn öllum gögnum. Daily Mail segir að þar noti félagið til að mynda spjald sem Fernandes fékk fyrir svipaðar sakir gegn Tottenham fyrr á leiktíðinni, en þeim dómi var snúið við.
Ef dómurinn stendur fer Lewis-Skelly í þriggja leikja bann, missir af leikjum gegn Manchester City og Leicester í ensku úrvalsdeildinni og seinni leiknum gegn Newcastle í undanúrslitum enska deildabikarsins.
Meira
Áfrýjun United skilaði sínu – Viðurkenna að rauða spjaldið var rangt og Bruno fer ekki í bann
