Leikmenn Manchester United þurftu að skipta sér í tvær rútur og aka frá London til Manchester eftir sigurinn á Fulham í gær.

United vann leikinn 0-1 með marki Lisandro Martinez og lyfti sér upp í 12. sæti ensku úrvalsdeildarinnar Flugi þeirra heim eftir var aflýst vegna óveðurs og því var farið heim í rútum.

Leikmönnum var svo skutlað upp á Manchester-flugvöll, þar sem bílar þeirra stóðu frá því þeir höfðu lagt þeim þar fyrir flugið til London.

Ferðin tók um þrjá og hálfan tíma og voru leikmenn að mæta á æfingasvæði United um 1:30 eftir miðnætti.

Miðjumaðurinn Manuel Ugarte virtist ekki allt of sáttur með gang mála því hann setti miðfingurinn upp þegar ljósmyndarar smelltu myndum af honum á leið sinni inn á æfingasvæðið í bifreið sinni.

Hér að neðan má sjá þetta.