Mason Greenwood, leikmaður Marseille, segir að hann myndi elska að spila með Paul Pogba á nýjan leik.

Þeir spiluðu auðvitað saman hjá Manchester United. Pogba fór til Juventus en samningi hans var rift í kjölfar þess að hann var dæmdur í fjögurra ára bann eftir að hafa fallið á lyfjaprófi. Það bann var stytt og er Frakkanum frjálst að spila frá og með mars á þessu ári.

„Hann er frábær maður og hann tók mig undir sinn verndarvæng,“ segir Greenwood um Pogba. Vill hann ólmur spila með honum á ný.

„Hann er frábær leikmaður og hvaða lið sem er myndi elska að hafa hann innan sinna raða. Það væri frábært að fá hann hingað.“