Það er engin pressa á Enzo Maresca, stjóra Chelsea, að ná Meistaradeildarsæti á þessu tímabili en hann greinir sjálfur frá.

Gengi Chelsea hefur ekki verið frábært undanfarnar vikur og tapaði liðið 3-1 gegn Manchester City á útivelli í gær.

Eigendur Chelsea eru þó ekki að setja pressu á Maresca sem er á sínu fyrsta tímabili sem þjálfari enska stórliðsins.

Maresca segir að hann verði að komast í Meistaradeildina á næsta tímabili og tímabilið eftir það þá verður barist um titilinn.

,,Planið var að ná topp fjórum á seinna tímabilinu og eftir það þá gætum við barist um titilinn,“ sagði Maresca.

,,Það er líka ástæðan fyrir því að ég hef margoft sagt að við séum á undan áætlun því við höfum mest megnis verið í topp fjórum.“

,,Á næsta tímabili, ég veit það ekki. Ég einbeiti mér að þessu tímabili.“