Nokkrir leikmenn Brann voru spurðir út í sinn nýja þjálfara, Frey Alexandersson, sem er að taka við liðinu í dag.

Freyr tekur við þessu norska stórliði, sem hefur hafnað í öðru sæti úrvalsdeildarinnar tvö ár í röð, eftir að hafa verið látinn fara frá Kortijk fyrir áramót. Hann hélt liðinu uppi á ótrúlegan hátt síðasta vor en yfirstandandi leiktíð hafði ekki gengið nógu vel.

Þar áður gerði Freyr frábæra hluti með Lyngby. Hann kom liðinu upp í dönsku úrvalsdeildina og hélt þeim sömuleiðis uppi á magnaðan hátt.

Leikmenn Brann eru spenntir fyrir komandi tímum með Freyr við stjórnvölinn. Ræddu nokkrir þeirra við Bergens Avis í dag.

„Það eru spennandi tímar framundan með nýjan þjálfara. Við hlökkum allir til að kynnast honum og hefjast handa,“ sagði einn þeirra.

„Spennandi dagur og spennandi tími framundan. Hann er með marga góða kosti,“ sagði annar.