Ítalía kom mörgum á óvart í kvöld og vann lið Frakklands 3-1 á útivelli en spilað var í Þjóðadeildinni.
Frakkar byrjuðu afskaplega vel en eftir eina mínútu var staðan 1-0 fyrir heimamönnum eftir að Bradley Barcola hafði komið boltanum í netið.
Ítalía skoraði hins vegar þrjú mörk í kjölfarið og vann 3-1 sigur og byrjar Þjóðadeildina þetta árið á frábærum sigri.
Federico Dimarco, Davide Frattesi og Giacomo Raspadori sáu um að skora mörk Ítala í leiknum.
Einnig var leikið í riðli Íslands en þar skildu Wales og Tyrkland jöfn 0-0 í Wales.