Ísland vann góðan sigur á Svartfjallalandi í Þjóðadeildinni í kvöld en leikið var á Laugardalsvelli.
Ísland vann 2-0 heimasigur en Orri Steinn Óskarsson og Jón Dagur Þorsteinsson komust á blað fyrir okkar menn.
Stefán Teitur Þórðarson átti frábæran leik fyrir Ísland í kvöld og hafði þetta að segja eftir lokaflautið.
,,Ég er mjög ánægður með þrjú stig og mína innkomu í þetta, við spiluðum vel, góð frammistaða,“ sagði Teitur.
,,Við héldum núllinu og þeir fá ekki mikið af færum, eitt í fyrri og eitt eða tvö í lokin þegar við slökkvum aðeins á okkur en heilt yfir góður varnarleikur.“
,,Það er mikil reynsla í Jóa, hann er aðeins framar og ég aðeins aftar. Við erum með góða eiginleika sem passa vel saman.“