Viktor Gyokeres, leikmaður Sporting, viðurkennir að kaupákvæðið í hans samningi hjá félaginu sé of hátt.
Gyokeres var orðaður við lið eins og Arsenal og Liverpool í sumar en hann er falur fyrir 100 milljónir evra.
Ensku liðin voru ekki til í að borga þann verðmiða fyrir þennan öfluga framherja sem þekkir til Englands eftir dvöl hjá Coventry.
,,Sporting vildi halda mest öllum byrjunarliðsleikmönnum og héldu okkur fast. Þannig er staðan en ég nýt lífsins hjá félaginu,“ sagði Gyokeres.
,,Auðvitað viltu spila í hæsta gæðaflokki. Kaupákvæðið er líklega aðeins of hátt því að lokum gerðist ekkert í sumar. Auðvitað eru þetta miklir peningar.“
,,Við sjáum hvað gerist í næsta glugganum, ég get hins vegar ekki kvartað yfir neinu hj´á Sporting og það er ekkert vesen fyrir mig að vera um kyrrt.“