Cristiano Ronaldo vill fá félaga sinn til Sádi Arabíu í janúar en það er CBS Sport sem greinir frá þessu.
Leikmaðurinn umtalaði er Mateo Kovacic sem lék með Ronaldo hjá Real Madrid á sínum tíma þar.
Kovacic er í dag leikmaður Manchester City en hann er þekktastur fyrir tíma sinn hjá Chelsea á Englandi.
Samkvæmt CBS er Al-Nassr, lið Ronaldo, tilbúið að borga Kovacic eina milljón dollara á viku sem eru sexfalt hærri laun en hann fær í Manchester.
Króatinn yrði einn launahæsti leikmaður heims og þyrfti Al-Nassr að losa einn eða tvo leikmenn ef skiptin eiga að ganga í gegn.