Fyrrum undrabarnið Quincy Promes er búinn að finna sér nýtt félag en það leikur í annarri deildinni í Sameinuðu arabísku furstadæmunum.
Þetta eru ein umdeildustu félagaskipti þessa árs en Promes er 32 árs gamall og var síðast hjá Spartak Moskvu í Rússlandi.
Promes á að baki 50 landsleiki fyrir Holland en hann lék einnig með liðum eins og Sevilla og Ajax á ferlinum.
Promes er gríðarlega umdeildur aðili en hann er eftirsóttur af lögreglunni í heimalandinu, Hollandi.
Promes var dæmdur í sex ára fangelsi í febrúar fyrir sinn þátt í að smygla kókaíni inn til Hollands en hefur enn ekki verið handtekinn.
Ekki nóg með það heldur var Promes einnig dæmdur fyrir að stinga frænda sinn í hnéð árið 2020 og skuldar þar 18 mánuði á bakvið lás og slá.
Promes hefur enn ekki verið yfirheyrður þar sem hann neitar að snúa aftur heim en þrátt fyrir öll hans vandræði fann hann sér nýja vinnu.
Promes krotar undir eins árs samning hjá FC Dubai United sem spilar í næst efstu deild og kemur hann þangað á frjálsri sölu.
Hollendingar eru að gera allt til að koma Promes aftur til Evrópu en hann hefur undanfarið haldið sig í Suður arabísku furstadæmunum þar sem hann er óhultur í bili.