Age Hareide landsliðsþjálfari Íslands segir að Gylfi Þór Sigurðsson hafi komið vel inn á æfingar landsliðsins undanfarna daga.
Gylfi er mættur aftur í landsliðið eftir tíu mánaða fjarveru. „Hann virðist í góðu formi, hann er góður leikmaður og þess vegna er hann í hópnum;“ sagði Hareide um málið.
Hareide segist hafa sannað það í gegnum árin hversu öflugur hann er og töfrarnir séu enn til staðar. „Hann hefur sannað það í gegnum árin, hvernig hann hreyfir sig og finnur stöður. Það er náttúrulegur hæfileiki, vonandi getum við og hann staðið sig. Hann veit hvernig við viljum spila.“
Hareide segist hafa fylgst með Gylfa þegar hann var á hátindi ferilsins. En blaðamaður frá The Athletic á Englandi var mættur til landsins til að spyrja út í Gylfa og endurkomu hans í hópinn.
„Gylfi er einn besti leikmaður sem Íslands hefur séð, Ég horfði á hann utanfrá þegar ég var þjálfari Dana þegar við spiluðum við þá. Gylfi skoraði þá gegn okkur, ég horfði á feril hans á Englandi. Ég hef séð hæfileika hans, hann hefur þetta ennþá. Við höfum reynt að koma honum inn í leikstíl okkar.“
„Hann fæddist til að vera fótboltamaður. Hann snéri aftur í fyrra gegn Liechtenstein og stóð sig vel, hann fær góða leikmenn í kringum sig í okkar liði.“
