Rétt rúmlega 3 þúsund miðar af tæplega 10 þúsund eru seldir á leik Íslands og Svartfjallalands á föstudag.

Dræm miðasala vekur nokkra athygli eftir frækinn sigur landsliðsins á Englandi í sumar.

A landslið karla er komið saman til undirbúnings fyrir komandi leiki í Þjóðadeild UEFA og var fyrsta æfing liðsins í kvöld, mánudagskvöld. Íslenska liðið mætir Svartfjallalandi á Laugardalsvelli á föstudag og Tyrklandi ytra á mánudag.

Miðasala á leikinn við Svartfjallaland er í fullum gangi á tix.is og enn er hægt að kaupa mótsmiða á alla þrjá heimaleiki Íslands í keppninni.