Lionel Messi er ásakaður um að hafa misst hausinn eftir leik Inter Miami og Charlotte í MLS deildinni um helgina.
Messi skoraði sitt 841. mark á ferlinum í viðureigninni sem lauk þó að lokum með 1-1 jafntefli.
Fjölmiðillinn Ole greinir frá því að Messi hafi verið bálreiður eftir lokaflautið og lét í sér heyra eftir að flautað var til leiksloka.
,,Þú ert vondur tíkarsonur,“ sagði Messi við dómarann samkvæmt þessum fregnum.
Dómarinn gaf Messi gult spjald undir lokin en hefði hæglega getað gefið goðsögninni rautt spjald miðað við þessar fregnir.
Messi og lið hans frá Miami vildu fá tvær vítaspyrnur undir lok leiks en ekkert var dæmt og voru margir afskaplega pirraðir í leikslok.
