Mikel Merino miðjumaður Arsenal verður frá í um tvo mánuði eftir að hafa axlabrotnað á fyrstu æfingu sinni með liðinu.
Arsenal keypti Merino frá Real Sociedad í síðustu viku á um 33 milljónir punda.
Á fyrstu æfingu lenti hann í samstuði við hinn kröftuga Gabriel og meiddist alvarlega.
Það kom svo í ljós að Merino er axlabrotinn og nú segja ensk blöð að það muni halda honum frá vellinum í tvo mánuði.
Það er gríðarlegt áfall fyrir Arsenal sem er á leið inn í mikið álag þegar Meistaradeildin byrjar.