Ibrahima Konate var óanægður með að vera ekki valinn maður leiksins í gær eftir leik Wolves og Liverpool á Englandi.
Konate er varnarmaður Liverpool en hann átti ágætis leik í 2-1 sigri gestaliðsins á Molineaux vellinum.
Konate kostaði Liverpool þó mark í leiknum en Wolves skoraði eftir vandræðagang í öftustu línu gestanna.
Varnarmaðurinn ræddi við blaðamenn eftir leik og var hissa eftir að hafa frétt af því að hann hafi ekki verið valinn sá besti í viðureigninni.
Arne Slot, stjóri Liverpool, lét ansi skemmtileg ummæli falla eftir leikinn en hann segir að mark Wolves sé einfaldlega Konate að kenna.
,,Kannski gleymdi hann augnablikinu þegar við fengum markið á okkur,“ sagði Slot léttur við Sky Sports.
,,Hann er ástæðan fyrir því að við fengum á okkur mark sem við gátum komið í veg fyrir.“