Jamal Musiala hefur gefið sterklega í skyn að önnur félög geti fengið hann í sínar raðir árið 2025.

Musiala er gríðarlega öflugur leikmaður og spilar með Bayern Munchen en hann er helst orðaður við Manchester City.

Möguleiki er á að Musiala sé að kveðja Bayern eftir árið en hann er samningsbundinn til 2026.

Hingað til hefur hann ekki viljað skrifa undir nýjan samning og miðað við nýjustu ummælin er alls ekki útilokað að hann leiti annað á næsta ári.

,,Ég er ekki búinn að ákveða neitt. Ég reyni að hugsa ekki of langt fram í tímann um hvar ég vil spila,“ sagði Musiala.

,,Staðan getur breyst eftir hvert einasta ár og eftir hvern einasta mánuð. Ég veit ekki hvað gerist, ég er opinn fyrir öllu en er ánægður þar sem ég er.“