Gunnar Birgisson og Tómas Steindórsson voru gestir þeirra Helga Fannars Sigurðssonar og Hrafnkels Freys Ágústssonar í nýjasta þætti af Íþróttavikunni á 433.is.
KA varð bikarmeistari um síðustu helgi eftir frækinn sigur á Víkingi, sem hafði haldið bikarnum hjá sér allar götur síðan 2019.
„Þetta er eiginlega fyrsti leikur með Víkingum sem ég hef séð þar sem ég fæ aldrei á tilfinninguna að það sé að koma mark frá þeim,“ sagði Gunnar, sem lýsti leiknum á RÚV.
Tómas gladdist sérstaklega með einum leikmanni KA.
„Mér fannst þetta vera „redemption“ fyrir Viðar Örn Kjartansson. Hann skorar þetta mark 100 prósent, ég er þar. Það var sagt að það ætti 100 prósent að rifta samningnum hans í júlí.“
Hrafnkell tók undir þetta.
„Hann er líka búinn að vera ógeðslega góður í síðustu leikjum og var mjög öflugur í þessum leik.“
Umræðan í heild er í spilaranum.