Abdel Abqar, leikmaður Alaves, var svo sannarlega ekki vinsæll á meðal stuðningsmanna eigin félags á dögunum.
Abqar lék með Alaves í leik gegn Real Madrid en hann skipti á treyjum við Kylian Mbappe í hálfleik.
Það fór virkilega illa í stuðningsmenn Alaves sem og stjóra liðsins, Luis Garcia, sem skipti leikmanninum af velli í hálfleik.
Abqar er 25 ára gamall og leikur í vörn Alaves en hann er sagður mikill aðdáandi Mbappe sem er einn besti sóknarmaður heims.
Garcia neitaði að staðfesta þessar sögusagnir en hann sagðist vera að gera taktíska breytingu sem er líklega ekki rétt.
Real var 2-0 yfir í hálfleik og vann leikinn að lokum með þremur mörkum gegn tveimur.