Enzo Maresca var ekki beint í skýjunum eftir leik Chelsea og West Ham í gær en leikið var á heimavelli þess síðarnefnda.
Chelsea fagnaði fínasta 3-0 útisigri þar sem Nicolas Jackson skoraði tvö mörk og þá komst Cole Palmer á blað.
Maresca hefur byrjað vel með Chelsea en hann segir að það sé alls ekki allt í lagi með spilamennsku liðsins og mun heimta meira frá sínum leikmönnum.
Næsti leikur Chelsea er gegn Barrow í deildabikarnum í vikunni en liðið mætir svo Brighton um næstu helgi.
,,Ég tel að við séum á réttri leið og á góðri leið en þessi vegferð verður löng. Við erum á góðum stað í dag og þá lítur allt út fyrir að vera í lagi en það er ekki rétt,“ sagði Maresca.
,,Við getum sótt betur og við getum varist betur. Það mikilvægasta er hvernig leikmennirnir vinna saman.“