Samkvæmt Talksport á Englandi eru forráðamenn Barcelona farnir að horfa mjög alvarlega í það að reyna að kaupa Mason Greenwood.
Greenwood var seldur frá Manchester United til Marseille í Frakklandi í sumar og hefur farið af stað með látum.
Talksport segir að Atletico Madrid og FC Bayern séu einnig byrjuð að skoða Greenwood alvarlega.
Greenwood fékk ekki tækifæri hjá United eftir að hann var handtekinn árið 2022 grunaður um ofbeldi í nánu sambandi.
Málið var fellt niður eftir að hafa verið í rannsókn í rúmt ár og var Greenwood á láni hjá Getafe á Spáni á síðustu leiktíð og stóð sig vel.
