Raheem Sterling skrifaði söguna í gær þegar hann kom inn sem varamaður í markalausu jafntefli Arsenal gegn Atalanta í Meistaradeild Evrópu.

Sterling er þar með fyrsti leikmaðurinn til að spila með fjórum enskum liðum í deild þeirra bestu.

Sterling kom upp ungur að árum hjá Liverpool og lék með liðinu í Meistaradeild Evrópu.

Hann fór svo til Manchester City þar sem hann átti frábær ár áður en hann fór til Chelsea.

Sterling var lánaður til Arsenal í síðasta mánuði og kom við sögu í gær, fjórða liðið sem hann leikur fyrir í deildinni.

Sterling hefur aldrei unnið Meistaradeildina en leikið einn úrslitaleik gegn Chelsea með City árið 2021 þar sem City tapaði 1-0.