Ansi vandræðalegt atvik átti sér stað í vikunni er sjónvarpsstöðin CBS fjallaði um leiki í Meistaradeildinni.
Kate Scott er stjórnandi þáttarins en sérfræðingarnir að þessu sinni voru þeir Thierry Henry, Jamie Carragher og Micah Richards.
Kate er þekkt sem Kate Abdo en hún giftist nýlega bardagamanninum Malik Scott og ber því annað eftirnafn í dag.
Kate hóf útsendinguna á að bera nafn sitt fram sem ‘Kate Abdo’ en áttaði sig á eigin mistökum mjög snemma sem skapaði óþægilega stemningu.
Goðsögnin Henry sem lék með liðum eins og Arsenal og Barcelona var skömmustulegur og faldi andlit sitt frá myndavélunum.
Vandræðalegt en einnig skondið atvik sem má sjá hér.
Kate Abdo … errrr… Kate Scott … Oops. Well, the UEFA Champions League Today crew won’t let Kate live that down. pic.twitter.com/zBBFDupxqp
— Ken Fang — Very Asian (@fangsbites) September 18, 2024