Chloe Bamba ekkja Sol Bamba greinir frá því að það hafi verið krabbamein sem hrjáði kappann. Bamba lést á laugardag aðeins 39 ára gamall.
Bamba átti feril á Englandi með Cardiff, Leeds og Leicester og var landsliðsmaður Fílabeinsstrandarinnar.
Bamba var í starfi hjá Adanaspor í Tyrklandi þegar hann féll frá. „Síðustu ár hefur Sol barist við krabbamein og gerði það með sínum andlega og líkamlega styrk,“ skrifar Chloe.
„Sol tók þessu verkefni frá drottni og hann yfirgaf þennan heim vitandi að hann var elskaður af öllum í kringum sig. Ég sá til þess.“
Bamba var kraftmikill varnarmaður sem gladdi alla með sínu góða og breiða brosi.
„Það er heiður að hafa elskað og vera elskuð af Sol. Ég lærði svo mikið af honum, hann var hetjan mín.“
„Hjarta mitt er brotið, þvílík gjöf á lífsins leið að hafa verið elskuð af honum.“
View this post on Instagram