Íslands og bikarmeistarar Víkings boða til hátíðarhalda í Víkinni á laugardag fyrir leik liðsins gegn KA í úrslitum bikarsins.
Auglýsing fyrir viðburðinn var birt í gær en skömmu síðar var fyrstu auglýsingunni eytt út og eitt atriði tekið af dagskrá.
Um er að ræða hljómsveitina HubbaBubba sem slegið hefur í gegn í sumar en einn af meðlimum hennar er Eyþór Aron Wöhler sóknarmaður KR.
KR berst við falldrauginn í Bestu deild karla og mátti sjá einhverja umræðu á samfélagsmiðlum þar sem KR-ingum þótti furðulegt að leikmaður liðsins væri að koma fram í gleði hjá Víkingi sem leikur í sömu deild og KR.
https://t.co/6S9uGTQWxC pic.twitter.com/25PicHoPNn
— Epicbet (@epicbetisland) September 18, 2024
„hvað segiru hverjir taka lagið,“ skrifaði Björn Þorláksson harður stuðningsmaður KR meðal annars í færslu á X-inu.
433.is ræddi við starfsmann Víkings sem sagði skipulagsleysi ástæðu þess að HubbaBubba hefði verið tekið af dagskrá.
Eitthvað virtist hafa breyst á þeim stutta tíma sem auglýsingin var í birtingu því nú mun HubbaBubba ekki koma fram í Víkinni en KR á leik gegn Vestra í neðri hluta Bestu-deildarinnar á sunnudag.
hvað segiru hverjir taka lagið https://t.co/MBx4d88t88
— Björn Þorláksson (@bjossithorlaks) September 18, 2024
Elvar Geir Magnússon, ritstjóri Fótbolta.net sagði í vikunni þá sögu heyrast í Vesturbæ að það væri farið að pirra einhverja hversu áberandi Eyþór og hljómsveitin er.
KR keypti Eyþór frá Breiðablik í vor en hann eins og fleiri leikmenn hafa ekki fundið taktinn. Ein af ástæðum þess að menn eru pirraðir á Eyþóri er þátttaka hans í hljómsveitinni HubbaBubba.
HubbaBubba hefur verið mjög áberandi í sumar, bæði á samfélagsmiðlum og á tónleikum víða um land. „Leigubílasaga úr Vesturbænum að menn séu mjög pirraðir á Eyþóri Wöhler, ónotaður varamaður í gær og hefur ekki komið með neitt á borðinu. Á meðan er hann út um allt á samfélagsmiðlum,“ sagði Elvar Geir í hlaðvarpi Fótbolta.net í vikunni og átti þar við hljómsveitina sem vakið hefur mikla athygli í sumar.
