Luka Modric er ekki búinn að ákveða hvenær hann leggur skóna á hilluna en hann er í dag 39 ára gamall.
Modric skrifaði undir nýjan samning við Real Madrid á þessu ári og er bundinn félaginu til ársins 2025.
Modric er enn mikilvægur hlekkur í króatíska landsliðinu en hann skoraði í 1-0 sigri á Póllandi á dögunum.
Miðjumaðurinn er nýorðinn 39 ára gamall en flestir búast við að hann muni hætta eftir HM 2026.
,,Þú veist aldrei með mig. Við þurfum að taka þetta einn leik í einu,“ sagði Modric við blaðamenn.
,,Ég get ekki tjáð mig um framtíðina. Þegar ég finn ekki fyrir neistanum þá mun ég hætta. Það er bara ég sem get fundi það og tek þá ákvörðun sjálfur.“