Kylian Mbappe er ekki besti framherji heims í dag að sögn Ralf Rangnick sem þjálfaði Manchester United um tíma.
Rangnick er í dag landsliðsþjálfari Austurríkis en hans menn töpuðu 2-1 gegn Noregi í gær þar sem Haaland skoraði sigurmarkið.
Rangnick telur að Haaland sé einfaldlega sá besti um þessar mundir en Mbappe hefur ekki verið upp á sitt besta undanfarið hvorki fyrir Real Madrid né franska landsliðið.
,,Þar til fyrir nokkrum mánuðum síðan þá hefði ég sagt að Haaland og Mbappe væru tveir bestu framherjar heims,“ sagði Rangnick.
,,Eins og er þá er annar maður á toppnum [Haaland] en það er líka vegna þess að Kylian er ekki í sínu besta formi.“
,,Haaland er varla með veikleika. Miðað við hvað hann er stór þá er hann gríðarlega fljótur og er með svakalegan stökkkraft.“
