Mikel Arteta, stjóri Arsenal, segir að það sé ekki útlit fyrir að varnarmaðurinn Jurrien Timber sé meiddur.
Timber er varnarmaður Arsenal en hann misstir af nánast öllu síðasta tímabili eftir að hafa slitið krossband.
Hollendingurinn spilaði í 1-1 jafntefli gegn Brighton í gær en þurfti að fara af velli í seinni hálfleik.
Það gerði marga stuðningsmenn Arsenal áhyggjufulla en Arteta segir að ekkert alvarlegt hafi átt sér stað.
,,Það held ég ekki. Hann fékk krampa,“ sagði Arteta í samtali við blaðamenn eftir leikinn.
,,Það var sparkað í hann í fyrri hálfleiknum og fékk krampa eftir það svo við þurftum að taka hann af velli.“