Forráðamenn Atalanta á Ítalíu hafa áhuga á því að kaupa Orra Stein Óskarsson framherja FCK á næstu vikum.
Ítalskir miðlar segja frá en vegna meiðsla Gianluca Scamacca er ítalska félagið að leita að framherja.
Scamacca meiddist illa í æfingaleik á dögunum og missir af stærstum hluta tímabilsins.
Girona á Spáni hefur reynt að kaupa Orra í sumar en FCK vill fá 20 milljónir evra fyrir íslenska landsliðsmanninn.
Orri skrifaði undir nýjan samning við FCK á dögunum en það er samt talið líklegt að félög reyni að kaupa hann á næstu vikum.
Atalanta hefur fylgst með Orra undanfarið og eru sagðir ætla að reyna að kaupa hann en fleiri lið um Evrópu skoða Orra.