Ríkharð Óskar Guðnason íþróttafréttamaður á Stöð2 Sport og stjórnandi Þungavigtarinnar segir að bankabókin hjá Fylki í Árbænum sé tóm miðað við það sem hann heyrir.

Ríkharð segist hafa hitt tvo leikmenn Fylkis, báðir höfðu sömu sögu að segja. Þeir hafi verið spurðir að því hvort bíða mætti með það að borga þeim laun.

„Ég ætla að koma með skúbb, hafið þið heyrt að það sé litið til í bankanum í Árbænum? Ég hef heyrt frá tveimur leikmönnum, að þeir hafi verið spurðir hvort það sé hægt að bíða með launagreiðslur,“ sagði Ríkharð Óskar í Þungavigtinni.

Fylkir er í fallsæti og telur Ríkharð að fjármálavandræði hjálpi ekki til. „Þetta er ekki að hjálpa til,“ segir Ríkharð.

Kristján Óli Sigurðsson segir að Fylki vanti leikmenn fyrir endasprett Bestu deildarinnar. „Þeim vantar leikmenn en eru ekki að kaupa þá, ég sé ekki neinn renna sér inn í Árbæinn. Þessar sögusagnir gætu fengið byr undir alla vængina,“ segir Kristján.

Rúnar Páll Sigmundsson er þjálfari Fylkis en samningur hans er á enda eftir tímabilið og er talið líklegt að hann hætti eftir tímabilið.