Erik ten Hag, stjóri Manchester United, viðurkennir að það séu ekki miklar líkur á að hann treysti á Harry Amass í vetur.
Amass er 17 ára varnarmaður sem hefur leikið með United á undirbúningstímabilinu en hann á enn langt í land að sögn Ten Hag.
Um er að ræða undrabarn sem kom til United frá Watford í fyrra en hann vonast sjálfur eftir því að fá tækifæri í vetur.
Ten Hag virðist ekki vera of sannfærður eins og er en viðurkennir að leikmaðurinn ungi sé að taka miklum framförum.
,,Ég sagði það um daginn, hann er efnilegur en hann þarf að bæta sig,“ sagði Ten Hag við heimasíðu United.
,,Á síðustu 12 dögum í æfingaferðinni hefur hann tekið stórt skref. Hann fékk alvöru próf sem varnarmaður og er að bæta sinn leik en það er enn langt í land.“