Markvörðurinn geðþekki Vito Mannone gæti verið á leið aftur til Englands en hann lék þar síðast fyrir fjórum árum.
Mannone er nafn sem margir stuðningsmenn Arsenal kannast við en hann var á mála hjá félaginu frá 2005 til 2013.
Mannone tókst aldrei að festa sig í sessi á Emirates og samdi síðar við Barnsley, Hull, Sunderland og Reading.
Ítalinn er 36 ára gamall í dag en hann hefur undanfarið ár verið á mála hjá Lille í frönsku úrvalsdeildinni en spilar lítið.
Það væri ansi gaman að sjá þennan blóðheita markvörð aftur á Englandi en Hull City vill fá hann í baráttunni í næst efstu deild í vetur.