Eins ótrúlegt og það kann að hljóma þá er leikmaður að nafni Martin Braithwaite að undirbúa tilboð í spænska félagið Espanyol.
Braithwaite er fyrrum leikmaður Espanyol en hann kom til félagsins 2022 og vildi svo fá að fara ári seinna til að spila í efstu deild.
Espanyol neitaði að hleypa Braithwaite burt og ákvað hann að borga upp eigin samning og samdi í kjölfarið við Gremio í Brasilíu.
Daninn var og er enn brjálaður yfir vinnubrögðum Espanyol og vonast til að eignast meirihluta í félaginu á næstu vikum eða mánuðum.
Það er nóg til hjá Braithwaite sem er með sína eigin fatalínu og á sinn eigin veitingastað í Barcelona ásamt eiginkonu sinni Anne-Laure.
Braithwaite og bróðir hans, Philip Michael, hafa einnig fjárfest afskaplega vel á lífsleiðinni og er sá fyrrnefndi metinn á um 250 milljónir punda.
Það verður ansi áhugavert að sjá hvort Braithwaite nái fram hefndum gegn Espanyol og eru miklar líkur á að fjölmargir fái sparkið ef hann eignast félagið.