Raphael Varane gæti verið á förum frá Como á Ítalíu eftir að hafa spilað aðeins einn leik með félaginu.
Varane hefur leikið 20 mínútur fyrir Como en hann gekk í raðir félagsins á frjálsri sölu í sumarglugganum.
Varane meiddist í fyrsta leik sínum fyrir Como og verður ekki leikfær næstu tvo mánuðina hið minnsta.
Frakkinn er á háum launum á Ítalíu en hann gerði tveggja ára samning við nýliða deildarinnar.
Como er ekki að útiloka það að rifta samningi leikmannsins sem var ekki skráður í leikmannahópinn fyrir komandi verkefni.
Varane þyrfti að vera skráður til leiks í janúarglugganum og má ekki leika með liðinu í Serie A þar til þá.