Olivier Pantaloni, nýr þjálfari Lorient í Frakklandi, hefur ekki áhuga á að nota bakvörðinn Benjamin Mendy í vetur.
Mendy kom til Lorient frá Manchester City í fyrra og spilaði 15 deildarleiki og skoraði tvö mörk.
Um er að ræða mjög umdeildan leikmann sem er langt frá því að vera vinsæll á meðal stuðningsmanna Lorient.
Mendy var ákærður fyrir sjö nauðganir er hann spilaði með Manchester City á Englandi en var að lokum ekki sakfelldur.
Það stoppaði ekki reiði stuðningsmanna Lorient sem mótmæltu komu Mendy til að byrja með og kölluðu hann nauðgara trekk í trekk í vetur.
Lorient féll úr efstu deild en Pantaloni vill ekki svona truflanir á þessu tímabili og velur Mendy ekki í leikmannahópinn fyrir komandi verkefni.