Víkingur hefur fengið að vita andstæðinga sína í Sambandsdeildinni þetta árið. Eins og í öðrum keppnum hjá UEFA er enginn riðill.
Heldur fær hvert lið sex andstæðinga og fær þrjá heimaleiki og þrjá útileiki.
Úr efsta styrkleikaflokki fékk Víkngur lið LASK frá Austuríkki. Úr öðrum styrkleikaflokki fékk liðið svo Djurgarden frá Svíþjóð.
Kári Árnason átti góða tíma í Djurgarden sem leikmaður en hann er í dag yfirmaður knattspyrnumála hjá Víkingi.
Liðið mætir einnig Omonia frá Kýpur. Úr fjórða styrkleikaflokki fékk Víkingur svo lið Cercle Brugge frá Belgíu. Liðið mætir einnig Borac frá Bosníu á heimavelli.
Að lokum fer Víkingur til Armeníu og mætir þar Noah þar sem Guðmundur Þórarinsson leikur.
Annað áhugavert úr drættinum er að Guðmundur og félagar í Noah mæta meðal annars Chelsea. Sverrir Ingi Ingason og Hörður Björgvin Magnússon og félagar í Panathinaikos mæta einnig Chelsea.
Andri Lucas Guðjohnsen og félagar í Gent í Belgíu mæta einnig Chelsea.
FCK þar sem Orri Sveinn Óskarsson er mæta meðal annar Real Betis og Herts frá Skotlandi.
Albert Guðmundsson og félagar í Fiorentina fengu ekkert sérstaklega spennandi drátt en mæta meðal annars LASK sem Víkingur mætir einnig.
Leikir Víkings
LASK (Útivelli)
Djurgarden (Heimavelli)
Omonia (Útivelli)
Cercle Brugge (Heimavelli)
Borac (Heimavelli)
Noah (Útivelli)