Víkingur er kominn í deildarkeppni Sambansdeildarinnar í fyrsta sinn í sögunni og er þar með annað íslenska liðið á jafnmörgum árum til að komast á þetta stig keppninnar.
Þetta varð ljóst með markalausu jafntefli gegn Santa Coloma í leiðinlegum leik í Andorra í kvöld. Víkingur vann fyrri leikinn 5-0 og var því svo gott sem kominn áfram.
Frábær árangur Víkings, en á morgun fær liðið að vita hvaða andstæðingum það mætir í Sambansdeildinni í vetur. Mæta Víkingar sex mismunandi liðum, þremur á heimavelli og þremur á útivelli.