Mohamed Salah líkt og nokkrir aðrir lykilmenn Liverpool eiga aðeins ár eftir af samningi sínum við Liverpool. Möguleiki er á að Salah fari frítt í sumar.
Salah hefur byrjað tímabilið með látum og skorað í fyrstu tveimur leikjum tímabilsins.
Salah, Trent Alexander-Arnold og Virgil van Dijk eru allir í sömu stöðu að vita ekki hvort þetta sé þeirra síðasta tímabil á Anfield.
„Ég kom bara inn í tímabilið hugsandi um það að ég ætti eitt ár eftir ætla að njóta þess. Ég hugsa ekki um samninginn, ég hugsa ekki um neitt. Bara að njóta þess,“ segir Salah.
„Ég vil ekki hugsa um næsta ár eða framtíðina. Ég vil bara njóta þess og sjá svo til.“
Hann segist vona að þetta hugarfar hjálpi sér að ná árangri.
„Allar vikur ársins er mikilvægt að hugsa bara um næsta leik. Mér líður vel hérna og þá þarf ekkert meira.“
