Dave Longwell þjálfari hjá unglingaliði Burnley hefur sagt upp störfum eftir að hafa skrifað skýrslu um leikmenn liðsins sem hann sendi á vitlausan stað.

Þannig var Longwell búinn að skrifa skýrslu um alla leikmenn Burnley og ætlaði sér að senda þá á umboðsmann.

Hann sendi skýrsluna hins vegar á U21 árs liðið en þar fór hann yfir alla í aðalliði félagsins.

Ensk blöð segja frá en þar hrósar hann þremur leikmönnum liðsins, þeim James Trafford, Josh Brownhill og Josh Cullen. Aðrir fá á baukinn.

„Þetta er ekki einfalt. Það eru svo margir leikmenn sem Vincent Kompany keypti sem hafa átt í vandræðum;“ segir Longwell í skýrslu sinni.

Hann segir einn leikmann Burnley latan, annar er geðveikur að mati Longwell og einn þeirra hefur ekki líkamlega burði til að spila á Englandi.

Longwell sagði upp störfum eftir að þetta lak út.